Jueves 18.03.2010
 |
| Sanmartín, esquerda, Dono, Freixanes, Carlos Lema, de Galaxia, e Belén Louzao na sinatura do convenio FOTO: sangiao |
Sobre o de novela, todo un referente no ámbito literario galego, Editorial Galaxia e o Concello da Estrada acaban de renovar o convenio de colaboración para a publicación dos traballos ganadores, por outros dez anos.
O alcalde, José Antonio Dono, e o director de Galaxia, Víctor F. Freixanes, asinaron o acordo para seguir renovando éxitos.
Freixanes destacou o esforzo do Concello por manter este certame literario, que xunto co Xerais e o Blanco Amor seguen a escribir a historia da narrativa galega contemporánea.
O prazo para a vixésimo segunda edición remata o 16 de abril
Hai xa 22 anos que A Estrada apostaba forte pola literatura. Nacía entón o premio Manuel García Barros de novela, dotado hoxe con 9.000 euros de galardón, e que vén ser tamén un recoñecemento o insigne escritor e mestre de Berres, coñecido tamén polo seudónimo que usaba (Ken Keirades).
Nestes anos, nomes destacados da nova fornada de escritores galegos seguen a integrarse na lista estradense, da que xa se teñen traducido obras a outros idiomas, coma o caso de As rulas de Bakunin, do ourensán Antón Riveiro Coello.
O prazo para presentar traballos a esta vixésimo segunda edición do certame literario, rematará o vindeiro 16 de abril.
